مرحبا
زرت كثير من الدول شرق وغرب، وكنت أحس إني كلما كبرت يقل انبهاري باللي راح أشوفه مستقبلاً ، إلى أن زرت اليابان وتأكدت إني مخطئة تماما..راح تنبهرون في أدق التفاصيل
التوقيت
أولا أنصحكم بان تختاروا التوقيت المناسب للزيارة وهو نهاية شهر مارس وبداية شهر ابريل وذلك لتتمكنوا من الاستمتاع بمشاهدة أشجار الكرز وهي رمز ياباني شهير و من أهم الأمور التي أنصح بمشاهدتها
و في حال حبيتوا تبحثون عن موسم الإزهار اكتبوا : موسم الساكورا
الميزانية
من زمان و أنا أسمع إن اليابان غالية غلاء فاحش! لكن اللي شفته إنها جداً عادية..متوفر الغالي ومتوفر الرخيص وكله ذا جودة عالية..مثلا أنا أشوف أوروبا أغلى بكثير و ما عندك خيارات كثيرة! فهي حسب ميزانيتك وصرفك
المواصلات
التاكسي أو سيارات أوبر غالية ومكلفة، استخدام شبكة القطارات (المترو) راح يكون أوفر بكثير و تعتبر جداً رائعة وسهلة، تحتاج وقت عشان تفهمها لكنها جدا سهلة و أنصح فيها أكثر من التكاسي و أوبر، فيه خدمة ذاتية عن طريق جهاز تختار فيه نوع التيكت وتطبع لك كرت فيه اسمك و تشحنها كل فترة بمبلغ حسب تنقلاتك
اللغة
كنت متوقعة إننا راح نعاني من موضوع اللغة لكن تفاجأت إنه كل شي مكتوب بالياباني تلقى جنبه بالإنقليزي، ما تورطنا أبدا خصوصا في طوكيو تلقى كثير يتكلمون انقليزي و فيه مرات استعنا بمترجم قوقل أو تطبيق say hi
الأكل
حتى الأكل كنت متخيلة إنه بيكون أزمة لكن الحمدلله أبدا ما عانينا منه الخيارات جدا كثيرة وفيه مطاعم عالمية كثيرة بذكرها لكم في جزئية المطاعم
المحطة الأولى
طوكيو
ملاحظة مهمة عن الرحلات إلى طوكيو، يوجد أكثر من مطار في طوكيو، يفضل اختيار مطار هانيدا لأنه الأقرب للمدينة ( 20 دقيقة بالسيارة )
اقتراحات مناطق للسكن فيها
harajuku
shibuya
minato
وبشكل عام اختاروا سكن قريب من محطة المترو عشان تسهل عملية التنقل عليكم
أماكن سياحية
Akihabara
عبارة عن شارع كبير فيه تجمع لكل الالعاب الالكترونيه تقدرون تلعبون و فيه محلات الكترونيات ممكن تشترون منها مثلا مكاين حلاقة او فير للشعرو أجهزة مطبخ…الخ وبرضو فيه محلات سوڤينيرز حلوه وأرخص من غيره
owl cafe
محمية صغيرة أو مثل ما يطلقون عليه اليابانيين (كافيه) للبومات وتقدر تشيلها وتصور معها
تجربة استثنائية خصوصا إننا ما نشوف البوم كثير ونعتبره شرس لكن اللي عندهم لطيف و أليف وتقدر تشوفه عن قرب تجربه حلوة للكبار والأطفال فيه غيرها من الكافيهات لحيوانات مختلفة مثل الأرانب والقطط و إذا حابين ادخلوا الرابط التالي
https://www.timeout.com/tokyo/restaurants/the-top-10-animal-cafes-in-tokyo
مهم جدا زيارة الحدائق في طوكيو ولو ما رحتوا بتفوتون الكثير!
خصوصا في موسم الساكورا..لونها يصير كله وردي!
Sakora spots (parks):
Yoyogi park
Ueno park داخلها حديقة حيوان وفيها باندا
shinjuku gyoen national garden
Skytree
أعلى مبنى في طوكيو، منظر المدينة من الأعلى حلو و تقدرون تشوفون جبل فوجي منها، يوجد فيه جزء أرضيات زجاجية تقدرون تمشون عليها.
اقتراحات المطاعم
للفطور والقهوة
Bills ( ricotta pancakes is a must)
احلا فرع اللي في منظقة Ginza
Sarabeth’s
Eggs’n things
Blue bottle cafe (specialty coffee)
Harbs cafe , a must
Parla , best crepes ever
Pablo ,احلى تشيز تارت أكلته في حياتي
Laduree @ Mitsukoshi department store ,الديكور والجلسات حقته حلوه ومطل على التقاطع
Flower market tea house , يجنن المكان والاكل لذيذ يصلح فطور و كوفي
للغداء والعشاء
-The great burger
–Savoy مطعم إيطالي صغير جداً لكن مشهور عنده نوعين بيتزا فقط ولذيذ
-800 degree pizzeria
–Beige Alain ducasse tokyo (restaurant by chanel)
الاكل عادي لكن المكان Fancy مره والديكور فيه تفاصيل شانيل بشكل جدا ملفت وأنيق
–freshness burger ما اقولكم برقر خرافي لكن لو تقفلت بوجيهكم وسكرت المطاعم بيكون خيار جيد لكم خصوصا إنه يعتبر يطول ما يقفل بدري مثل البقية
Luke’s Lobster اذا تحبون اللوبستر والربيان…رائع
Nobu Tokyo اكل ياباني بس لذيذ
Authentic burger
—–
التسوق في طوكيو
أحرص دائما في أي وجهة سفر إني أتسوق من الماركات المحلية ، لذا كل المذكور ياباني
أنصح بزيارة محل uniqlo الشهير في منطقة Ginza ، محل ياباني ومتواجد في عدة دول في أوروبا و أمريكا، لكن اللي يميز هذا الفرع ضخامته، يتكون من 12 طابق ما بين ملابس للنساء والرجال والاطفا و أسعاره جدا معقولة.
Lumine Est
و
lumine 2
جنب بعض ويتميزون ببضائع يابانية
^
للوصول لهم عن طريق المترو عليكم اختيار JR line
والنزول بمحطة shinjuku
Mitsukoshi department store
منطقة Ginza
كلها يوجد بها العديد من المحلات لكن أغلبها أوروبي و أمريكي
المحطة الثانية
كويوتو
هي العاصمة السابقة لليابان، من أجمل المدن اللي زرتها بحياتي صراحة لأنها بالرغم من تطورها إلا إنها محتفظة بتراثها وحضارتها، تكثر فيها المعابد والحدائق، و في وسط المدينة نهر زادها جمال
(المدينة تعتبر مدينة بسيطة مقارنه بطوكبو، إذا ما تحبون الأماكن التراثية يمكن تكون طوكيو أنسب لكم)
ما أنصح بزيارة المعابد كلها مكررة، أنا اخترت عدد معين منهم وحاولت اختار اللي حسيته مميز أكثر من غيره و اخترت إني أروح له بواسطة الدراجة لأن ركوب باص سياحي راح يحرمني من الكثير من المتعة
اخترنا يومين لزيارة المعالم المشهورة واستأجرنا دراجات هوائية (سياكل) وتلقونها بمحلات متوفرة بكثرة..و اخترنا 3 معالم لكل يوم
ما أوصفلكم جمال الرحلة والحمدلله إنها ما كانت بسيارة أو بقطار، دخلنا السكك الصغيرة بين البيوت وشفنا تفاصيل يابانية صغيرة كانت راح تفوتنا فعلا
أماكن سياحية
-Kohchosai kosuga محل فيه منتجات من اشجار البامبو
مره المحل كرييتڤ وفيه اشياء جميلة ومتنوعة من مواعين وتحف و أصيصات نبات وشنط بعد
-open market (teramachi dori ) سوق مفتوح وفيه محلات متنوعة و مطاعم وسينما
– kyoto botanical garden
-the imperial palace
-Kinkaku-ji المعبد الذهبي
-philosopher’s path جميل جدا هالمكان وفعلا يسوى الروحة بس تراه ابرد من غيره
-Kamo riverالمشي او ركوب دراجة على ضفة نهر
Lush spa جدا جميل المكان ومميز اذا حابين تسوون مساج
فيه أماكن كثير في كويوتو تستأجرون منها اللبس الياباني التقليدي
Kimono
وتقدرون تطلعون تتمشون فيه وتعيشون التجربة كاملة أو انكم تتصورون فيه داخل الاستديو، بالنسبة لي فضلت إني أصور فيه فقط لأنه طبقات صراحة متعب امشي فيه!
برضو فيه أماكن نقدر ناخذ فيها كلاسات خط ياباني ، تنسيق زهور على الطريقة اليابانية…إلخ
هالأنشطة ممكن تلقون تفاصيل كثيرة عنها وخيارات أكثر في الكتيبات السياحية اللي تلقونها بالفنادق ..من أكثر الأشياء اللي فادتني إني تفرجت عليها! سويت أشياء ما كانت بمخططي أسويها، لذلك إذا شفتوها خذوهم وتصفحوهم وفيها بعد كوبونات خصم على بعذ الأشياء!
التسوق
ما حرصت عالتسوق كثير في كويوتو لأن جدولنا كان فيه كثير أنشطة الحمدلله..لكن بذكر لكم الاماكن اللي دخلتها
تقاطع koto cross محلات بعضها يابانيه وبعضها فيها ماركات عالمية
Karasuma dori معKawaramachi dori اللي هو تقاطع الشارعين
مطاعم
الفطور والمقاهي
Sentodio متخصص بالكوفي لكن عندهم ساندوتش وكيك والمكان حلو فهوة او فطور
Breizh cafe \كله لذيذ لكن عندهم كريب بالتفاح والكراميل لذيذ مره
Le reseau
غداء وعشاء
Motion burger
Daniel’s مطعم إيطالي مستوى الأكل عادي لكن يفك أزمة
Coco curry house اكل ياباني يعتمد عالرز و صلصلة الكاري مع اختيارك من اللحم او دجاج او سمك او حتى خضار..لذيذ!
Mughal أكل هندي
للإطلاع أكثر ادخلوا الرابط
أنوي لكم الفائدة، ممتنة لقرائتكم وأتمنى لكم رحلة سعيدة
